Na tatala aloai'a e le Afioga ile Komesina Sili Leasi Papalii Scanlan le Tauvaga Lauga a Aoga Tulaga Lua ile Gagana Samoa i Aukilani ile Aso 29 Iulai 2015. O le Afioga ia Leasi ole fa'atama fo'i lea ole faalapotopotoga ale FAGASA i Niusila. Sa fa'atumulia le faamoemoe ma sa faatasi ai le tele o alo ma fanau aemaise lagolago sua a tamali'i ma tulafale o lo'o alaala ma papa'a'ao i totonu o Niu Sila nei. O le autu o le tauvaaga i lenei tausaga ia "Tautua nei mo sou Taeao Manuia". Sa saunoa le Afioga ia Leasi ile taua ole ola tautua i Aiga, Ekalesia, Nuu ma le Atunuu e fai lea ma tupuaga o manuia. O le faamoemoe ma le aano o ia tauvaga ia saga faaolaolaina ma faamausaliina pea le Gagana Samoa aua tupulaga talavou o loo aumau I Niu Sila. Ua taliaina foi e le Afioga ile Alii Palemia le avea ai ole FAGASA ma se tasi o fa'alapotopotoga ole a auai i lalo ole Komisi a le Gagana Samoa o lo'o faamautu i Samoa.